Мубарак

Россияла Федерацияла Президентли мерличиб чуни чус гьуни чебиахъутала органти гьаладяхI дашахънила мурадличил хIукму къулбасбарибхIейчибадли халаси-декIар замана арбякьи ахIен. Ил документлизиб бурили саби нушала улкала шимала мер-мусаличибти ва цархIилти халкьлис бекIдеш дирес багьандан чебетаибти, дагьричебти ва кабизалачебти руководительти битIикIес хIяжатли биъниличила. Илкьяйдали, мерличиб чуни чус гьуни чебиахъантала байрамла БархIи дурабуркIуси саби апрельла 21-личиб. Илгъуна мягIничебси БархIиличил бархбасахъи, Дахадаевла районна мерличиб чуни чус гьуни чебиахъути органтала вакилти уркIи-уркIилабадли мубаракбирехIе. Илдас ва илдала хъалибаргунас арадеш, балгундеш, бузерилизир сархибдешуни дулгехIе. Нушала район вавалибяхъяхъес ва адамтала яшавла даража ункъбиахъес багьандан илдала санигIятлашалти устадеш имцIадиаб ва гьарил пикрибарибси гIяхIси ибси гьамадли бетерхаб.