КАЛА-КОРЕЙШ МЕДИА
Меню
12+

«КАЛА-КОРЕЙШ МЕДИА"

05.03.2021 12:42 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Чедибдеш» ибси хIяз дураберкIиб

ИшбархIила Россияла школабазиб бяркъ лугнилизиб кьадричебси масъала саби патриотизмала, улкала тарихличи диги алкIахънила ва цархIилти мягIничерти бетуцуни жагьилтази минадарнила шайчибси.

Илгъуна масъалала чебкадсилизи халбарес вирар «Чедибдеш» бикIуси дявила-спортла хIяз, сабира ГIяхIмадхан Абу-Бакарла уличилси Уркухъла дахъал шалубар гимназияла дазурбазиб гьалабван бетерхурси.

5 — 9 ибти классунала дурхIначил илдигъунти далдуцуни дурадуркIути сари белчIудила дус кабикайчи. Арадешлизиб нукьсандеш агарти уршбани бутIакьяндеш дирути сари илар.

Юнармейцыбани шадлихъла аги-хIяйзиб хIяз бехIбихьиб. Командабани чула багьудлумира устадешра чедиахъулри урегал бутIализир – эстафета дураберкIили, Калашниковла автомат цалабяхъили ва бехъубли, гьарахъдешличи тIяхIбулхъули, цархIилти абзани дурадуркIули. Илди лерилра далдуцуни хIязла журализир дурадуркIутири.

Балбуц ункъли бетерхур ва гьарил бутIакьянчили иргъулри ил бархIи «лебилра ца гIебли, ва ца лебилрагIевли» биъни.

Гьарил бутIа таманбиубхIели баянти кайулри. Чебетаиби жюрила члентани гьарил секIал пикрилизи кайсулри ва бархьси кьимат бедес къайгъилизибри.

Судьябас гьамадли ахIенри илкьяйдали ункъли хIядурбиубти дурхIнас кьимат бедес. Амма сеннира баянти каэс хIяжатлири.

Цаибил мер буциб Уркухъла дахъал шалубар лицейла ва КIишала школала командабани, кIиибил мерличи дурабухъун Кьялкнила ва Шаласила школаби, хIябъибил мер буциб ДугIахъарла школали ва Уркухъла дахъал шалубар гимназияли.

«Жагьилтани дагьес хIяжатси саби дявила баркьудлумачи хIядуриънила лерилра бетуцуни. Илдигъунти хIязанани уршбас хIяжатти багьудлумира лугути сари. Илбагьандан учреждениебала руководительти илдигъунти далдуцуназир разидешличил бутIакьяедеш дирес хIядурли саби», — бурули саби судьябани.

Добавить комментарий

Добавлять комментарии могут только зарегистрированные и авторизованные пользователи.

2