ГI. М. ГIябдулкьадиров

ГIялибатиров ГIябдулкьадир Мятязиевич акIубсири 1945 ибил дусла майла 9-личив Уркухъла шилизив. 1952 — 1957 ибти дусмазив Уркухъла бехIбихьудла классуназив ва 1957 — 1960 ибти дусмазив Каспийск шагьарлизир 5 — 7 ибти класуназив учIули калун. ГIур сай акIубси шилизи чарухъи, 1965 ибил дуслизиб Уркухъла урга даражала школализиб 10 ибил класс таманбариб.

Узес вехIихьиб ГIябдулкьадир Мятязиевич Уркухъла урга даражала школализив 1969 ибил дусличивад физкультурала учительли. Илаб 5 дус хIянчи барили гIергъи, Уркухъла кIиибил номерла школазив узескайиб. Илабра 1992 ибил дусличи бикайчи чебетаибси хIянчи бариб илини. ГIур кIел дус ХI. ХIямидовла уличилси ДЮСШ-ла директорла заместительла хIянчи бариб.

2008 ибил дусличивадли ишбархIиличи бикайчи ГIябдулкьадир Мятязиевич Уркухъла М-ХI. ГIялисултIановла уличилси дахъал шалубар лицейлизив физкультурала учительли узусири.

ГIябдулкьадир ГIялибатировла сабухъчебси бузери улкали ахъли кьиматлабирусири ва мурталра грамотабачил ва кьиматчерти савгъатуначил шабагъатлавирусири. Илис бегIлара халаси шабагъатри сунени бучIахъути дурхIнала ва илдала бегIтала баркалла.

Ишди бурхIназив ГIябдулкьадир ГIялибатиров гIямрулизивад арякьун. Илгъуна декIси анцIбукьличил бархбасахъи илала хъалибарглизи ва гъамтази халаси децI балахъули саби Уркухъла дахъал шалубар лицейла коллективли.