Дахадаевла район

Дубуртачи делшунти

Даршути шимала бегI,

Район машгьурбарибти

Пагьмучеб уршбала бегI.

Заклаб урцу чIакаван

Азадли тIинтI биубси,

ГIяхIгъубзни абилкьуси

Район Дахадаевла.

Мургьира – арцра кьяйда

ХIурмат — кьимат бихIуси,

Ари буцхIебуцахъес

Къияйс цIумхIебухъунси.

Жяв заманаличибад

ХIянчилизиб чебяхIси,

Хьурабарибси гIяхIяйс

ДяхI шалали бируси.

Жагаси тIабигIятли

УркIби хIяйрандируси,

Ахъти хIяна хIурхъали

ХIулбала хIер кайсуси.

Дай дугила аргълизиб

Закличил цугбуцесил,

Заклизир зубартиван

Ухути шимачился.

ТIавусла ранганиван

ДарсдикIути вацIурбар.

Лагьала хъянтIигъуна

ХьанцIаби катругунар.

ИцIари шилагъунти

Делшунти кIялгIнала бегI,

Шимала ургакадли

Кадухъун хIуркIбала бегI.

Берхъаби, дила район,

ГIурра сагабикIули,

Нуша, хIела уршбани,

Даим пахру биресли.