КАЛА-КОРЕЙШ МЕДИА
Меню
12+

«КАЛА-КОРЕЙШ МЕДИА"

15.04.2022 09:07 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Чедибдеш сархиб

Автор: И. Ибрагимов

Гьаларван «Дахадаевла район» МО-ла спортла стадионничир школала гIямрула дурхIнала футболла абзани дурадеркIиб. Илар бутIакьяндешдариб районна гIяхIцад школабани: илди сабри 5—8-ибти классунала дурхIни.

Абзани дурадеркIилри «Школабазиб футбол гIеббуцни» бикIуси ДР-ла проект хIясибли.

Жигарла бутIакьяндеш дариб ва гьаларти мерани сархиб КIишала ХI. Сулайбановла уличилси школала никIа спортсментани. Жюрили каибти итогунани ишгъуна аги чебаахъиб:

5 ва 7-ибил классунала командабани 1-ибти мерани сархиб, 6-ибил классла команда 3-ибил мерличи лайикьбикиб. Илди районна руководствола шайзибад ХIурматла грамотабачил шабагъатлабариб.

Футболла командаби хIядурдарес чула цIакьани ахIерахIедариб физкультурала дурсри кадирхьути МяхIяммадхIяжи МяхIяммадовли (ОБЖ-ла руководитель) ва Рамазан МяхIяммадовли (школала директор). ДурхIнала устадеш ахъдуцести маслиг1ятуни гьаладихьиб КIишала дахъал шалубар гимназияла физкультурала мугIяллимти Абубакар Мях1яммадовли ва ХIяжи БяхIяммадовли.

— Хаслира наб гапбарес дигахъира 5-ибил классла футболистуни Мурад МяхIяммадов, Закариге БяхIяммадгIялиев, ГIяхIмад МяхIяммадов, — викIи М-ХI. МяхIяммадов. – Илдани устадеш чедаахъибтира ца ити ахIенри, сенахIенну ил гьар бархIила къиян сабри. Каникултала манзилра илди мурталра школала площадкаличиб камхIебири, учительра живарили, футболла хIязани думжахъи.

— Дила уркIи разибариб 7-ибил классла футболистуни МяхIяммадбяй ЯхIъяевли ва ТIагьир ГIяхIмадовли. Фотболла хIязлис хIяжатдиркути уюнти илдани устадешличил чедаахъиб. Илала дурабадра, илдани цахIнаб команда бетаахъесра, илар бутIакьяшдеш дарести дурхIни балцIесра бажарди дакIубариб. Ну вирхулра фотболличи дурхIнала гъира гьатIира имцIабирничи, — сунела пикри буриб Р. МяхIяммадовлира.

ИшбархIи чедибдеш сархибти командаби ДР-лизир гъамливан детурхути футболла абзаначи хIядурбикIули саби.

Добавить комментарий

Добавлять комментарии могут только зарегистрированные и авторизованные пользователи.

3