КАЛА-КОРЕЙШ МЕДИА
Меню
12+

«КАЛА-КОРЕЙШ МЕДИА"

04.06.2021 09:10 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ГIяхIла шайчи сагадешуни алкIахъули

Россияла Президентли Федеральное Собраниеличи гьар дуслизиб бурхьуси Багьахънилизиб балахъули саби туристунала архIяби имцIали дурадуркIес хIяжатли биъниличила. Илдала лугIилизир «Цаси Россия» партияли гIеббуциб ил пикри ва дурхIнала лагерьтази бурхьутала путевкабала кьиматла бутIа чарбарес багьандан. Президентли программа майла 15-лис балкьаахъес хъарбариб.

ИшбархIиличибадли бехIбихьили, Россияла Правительстволи сагабарибси программа бузесаили саби, пачалихъла бекIли дедибти хъарбаркьунира кадерхахъурли.

Россиялантас 50 процентла кьадарлизир дурхIнас турпродуктлис харждарибти арц чардирути сари. Илди сари дурхIнала лагерьтази ва арадеш къулайбирахъути мераначи биштIати бурхьухIели путевкабас детиркути арц. Илала дурабадлира, арадеш мяхIкамбирути организациябас кумекли бертарар пачалихъла кумек касес.

2021 ибил дуслизиб илгъуна кумекличил пайдалабикIес бирар 400 азирличибра имцIали адам. Программалис правительстволи 5 млрд. къуруш арцла декIардарили сари. Илдигъунти кункдешуначил пайдалабикIес бирар хIеблацунра ахIи, гIебшнила каникултала заманара.

Программализир бутIакьяндеш дарес бирар Россияла лерилра стационарный лагерьтани. Программализи бархбикибтала сияхI кабяхъили бирар «Мирпутешествий.рф» сайтлизиб.

Дагъистан Республикала Халкьла Собраниела депутат, багьудила, гIилмула, культурала, жагьилтала баркьудлумала, спортла ва туризмала шайчибси Комитетла председательла заместитель Анна Безруковани бурни хIясибли, ишхIелла постковидла аги-кьяйдала манзиллизиб илгъуна кумек хIяжатсира саби.

«Ну неш сарлин, ил хабарли дебали разириахъубра. Дила пикри хIясибли, бахъал дагъистанланти хIерли бирар гIергъитигъунти баянтачи, илдала лугIилизиб дурхIни бархьес биэсти лагерьтала сияхIличира. Илала дурабадлира, нушала республикализиб лебил Россияла кьадрила лагерь дакIубулхъан. Дигъистайзир илгъуна барес гIяхIти шуртIрира лер. Нушала республикала культурала-тарихла ардякьунти наслубазибад касибси рухIла, гIямрула, яшавла даража тамашабилзан Россиялизибадли бакIибти дурхIнас», — буриб А. Безруковани.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0