МугIяллимтачил гьуниваиб

Ишдусла апрельла 3-личиб Иван-кутанна таманни ахIенси урга даражала школализиб мугIялимтала кьукьяличил доцент ДГУ-ла, Дагъиста халкьла собранияла депутат Рабаданов Муртазали Хулатаевичла кумекчи, Дахадаевла районна ЦРО-ла бекI специалист Мурад Алжанбеков гьуниваиб.

ЧеалкIуси наслулис бяркъ бедлугниличила , белчIудилизиб ахъти багьудиличил декIарбулхъути дурхIначил дурабуркIуси хIянчиличила, ученикунала бегIтачил мугIялимтала бархбасличила ихтилат дураберкIиб.

Химияла, биологияла учитель Рабаданов Джахпар гъайухъун:

-- «ХIукуматла белчIудила программабачи тIалабуни дахъдикIулихьалли, дурхIнала белчIудиличи гъира камли сари, мугIялимла дарс кабирхьнила устадеш -- белчIудиличи дурхIнала диги акIахънилизир бекIлибиубси хьулчи саби».

Школала мугIялимти барибси ремонтлис, школала юрт жагаси даражаличи бикахънилис Дахадаевла районна бекI ГIямаров Жаруллагьлис баркалла бикIулри . МугIялимтала кагъуртала лукIнила хIянчурбала дахъдешли, ученикунас бяркъ ва багьуди лугнилис замана камбирули саби.

ДурхIни телефонтачил пайдалабикIни багьандан ,белчIудилис замана камли калгни ва дурхIначи вайси асар бирули саби – гъайухъун школала директор Кабчуев Р .Г.

Челябкьуси белчIудила дуслизиб мугIялимтала пикри саби гьар класслизив учIуси учениклис мурхьти багьудлуми ва лайкьси бяркъ дедес .Районнизиб, республикализиб дурадукIути олимпиадабачир школалала ученикунази чедирти мерани сархахъес ва школала рейтинг ахъбуцес.