Дубурцусилис пайдалати насихIятуни

ДерцIибти ва цIикIти берклуми, кофе, газличилти шин пайдаламадиридая. Илдани организмала аги вайбирахъу.

Баарила кьадарлизибичиб имцIали хурег мабукадая. Дахъал шин держадаллира организмализирадли минеральный зе ардашар, чунира бархIи ахъайчи организма гIердурцути.

Беркайчил пайдаладиреная углеводуни. Илдани беркала ункъли ашарахъу ва бархIи ахъайчи гушдешли инжитхIедирудая. Чумиздаг –чакарла, клетчаткала, углеводунала, калийла, магнийла лебгIяб гIяхIси хьулчи саби. Миндаль – протеинна ва дебали камси гIявадешличилси архIяла гимала ваяхIла хьулчи саби. Бананти – калийла, магнийла ва углеводунала хьулчи саби.

Диубцад дахъал шинра соканира дуженая ифтарлара сухурлара ургабси манзиллизир. Иличирли организмализир даарила кьадарла шинкIадешуни кавлан.

Кофеин камли пайдалабиреная, кофеин барх агарти кьарла чяй дуженая.

КьацI ва пирогони дирухIели аргьала ва дибгIяли ахIенти декь пайдаладарая.

Беркала халаси мабукадая, цIедешла сок дуженая. ГьатIира гIяхIси саби умударибти (дистиллированная) шин дужадалли. ДерцIибти берклуми мадукадая, илдани газ цалабиркахъу, ажгон бархиэная беркайзи.

ДерцIибти, гIявати, цIикIти дахъал берклуми дукнилизирадли гIелумдизирая. Илкьяйдали рудазиб газ цалабиркахъути гидгури, капуста, чечевица, газличилти шин пайдаламадиридая.

Сухур уммабалтадая, чакарличилти продуктуни ва шинкIадешуни камли пайдаладиреная. Иличирли кьаркьа аги вайбирар ва бекI изесбирхIур.

Беркала къулайси агиличи биркахъеная. Илизир диэс хIяжатти сари овощуни, цIедеш, диъ, арцанна диъ, бялихъ, кьацI, ниъла берклуми.