КАЛА-КОРЕЙШ МЕДИА
Меню
12+

«КАЛА-КОРЕЙШ МЕДИА"

23.04.2021 13:10 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Баркалла хIейкIес хIейрар

Автор: Мямяй МяхIяммадов, Гъуладтила ши.

ГIеларти дусмазиб нушани чебиуливан дебали халаси пикри бяхIчииули саби нушала республикализиб «I00 школа» бикIуси проект гIямрулизиб дурабуркIниличи. Ил проект хIясибли тIашдатурли сари сагати школаби, далдирули сари школабала хъалчани, классуни ванадирути гIягIниахълуми диршули сари школабазир. Илдала камси-биалра пай нушабра чесабаиб. Нушала школа барибсири I936-ибил дуслизиб. ИлхIели школалис декIардарили лерри авал хъали ва бехIбихьудла классуни абхьибтири.

УрегцIали ибти дусмазиб школализи башути дурхIни-рурсби бахъбаиб ва чебуркъуб дарес гьатIира авал хъали пристройкала формаличил. ВерхIцIали ибти дусмазиб урга даражала школа абхьибхIели школализиб бучIантала лугIи 250 ученикличи абикиб. ИлхIели совхозли пикрибариб гьатIира авал хъали дарес. Гьарил сагали дирути хъулрала чIябуртала площадкара цагъуна ахIенри хъулчрала ахъдешра ганзухъуналагъуна сабри.

ГехIцIали ибти дусмала ахирлизиб пикрибарибсири сагаси школа барес. Илис хIядурдарибтири проектно-сметная документация I987 – 88-ибти дусмазир. Районна исполкомли илди ца дусла гIела ардухиб Уркакила шилизиб школа барес гIягIнили саби ил. ГIелабил дуслизир улкализир кадиркути дарсдешуни хIясибли документация ящиклизир калун арц агарли. Илала гIергъи бархIилис бархIи бучIути камкабикIулри, хъалибаргани шилизибад гечбирулри, сенахIенну хIянчилигIиб къяйцIли шагьуртазиб хIербирулри. Школа сагабирнила плантира деткахъиб.

Халатала бурала хIясибли сабур гIяхIси секIал саби. Кьанни биалра «I00 школа» бикIуси проектла бутIа нушабра чесабаиб. Районна администрацияла, районна управление образованиела гIяхIдешли ишдусла октябрь базлизир дехIдихьиб хъалч сагабирнила хIянчи. Аргъла балбикибдешла гIяхIдешлира, бузути ялчнала сакIубли бузнила гIяхIдешлира ганзухъунадли царугахIенси хъалч мегьла шиферли кабуцили базла ахирлис таманбариб. Ноябрь базла каникультала бурхIнас хъулри ванадирути батареябира даршили тамандариб. Нушала бучIантала ва учительтала гIямрулизиб ил халаси разидеш саби, сенахIенну янила замана печанала ванадешра, гьавала умудешра гIягIниси даражаличир дихIес гьамадли ахIенри, гьанна биалли жаняхIлизи ухIнавхъалли ванали, гьава умули разилира нуша. Илгъуна баркьудилис нушала школала учительтала коллектив, бучIути дурхIни ва илдала бегIти уркIи-уркIилабад баркалла бикIули саби нушала районна администрацияла бекI Жаруллагь Рабадановичлис, белчIудила образование бекI МяхIяммад Ибрагьимовичлис ва хIянчи барибти ялчнас.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1