КАЛА-КОРЕЙШ МЕДИА
Меню
12+

«КАЛА-КОРЕЙШ МЕДИА"

16.04.2021 08:54 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Сагати жузи — кьасиличир

Гьаларван даргала писатель Ибрагьим Ибрагьимовла кIел сагати жуз дурадухъун: «СУДЬБЫ, ОПАЛЕННЫЕ ВОЙНОЙ» урус мезли ва «ВАТIАН БАГЬАНДАН» нешла мезли. Урус мезла жуз балкьаахъес ПатIима ГIябдуряхIманованира лайикьси пай кабихьибси саби: илбагьандан ил кIелра авторла цахIнабси жуз бетарули саби.

Жузи дуракаибти сари «АЛЕФ» типографияли.

КIелра жуз публицистикала журала сари, чузира очеркуни кадерхахъурти.

БучIанти ишдигъунти дявила бутIакьянчибачил тянишбиэс бирар.

ХIясан ГIяхIмадов, граждан дергъла хIунтIена партизан, I943 ибил дуслизив Моздокла мякьлав декIли вяхъибсири ва МахIячкъалала азарханализив вебкIибсири.

МяхIяммад ХIяжиев, Карелияла АССР цIуба финанази ва немецунази балтахъули, гIяхIгъабзала бебкIали алхунсири.

ГIябдулла ГIябдуряхIманов Новороссийскла мякьлабси хабардерхурси БиштIаси ванзаличив ургъули калун ва, чарухъунхIели, мургьи-арцла уста сайливан машгьуриуб: ил ДАССР-ла искусствола урибси хIянчизар, РСФСР-ла урибси художник ва И. Е. Репинна уличилси Пачалихъла премияла лауреат ветаур.

ЧебяхIси ВатIа дергълизир жан кьурбандарибти хала бегIтала наслу ишбархIи ВатIайс марси къуллукъличиб саби. Илдазивад ца сай дергъла бутIакьянчила уршила урши, юстицияла полковник, сунела чебла ламусличил ихъуси ДР-ла МВД-ла следственное управлениела частьла начальник МяхIяммад ГIяхIмадович Ибрагьимов.

Жузи рангличил ва чIумати мужаллатуначил жагали далкьаахъурли сари. Иш гьакIлисра И. Ибрагьимов, гьар мурталраван, сунела лукIнила стильлис (журалис) марли кали сай. ХIятта документальный тяхIярла произведениеби диалра, очеркуни тяп художественное произведениебиван делчIес дигесли сари, ва, ашкарли, учIусини илди дархьхIедалта.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5