ДагъистIа урибси мугIяллим Рабазан Маллаевичлис
СирхIяла ахъ дубуртас,
Аллагьли акIахъубил.
Муйрала шила шантас,
Игъбарли къаршикибси.
ХIейрар хIечил цугуцес,
Я хъубзара, я хIяким.
Халкьличил валикибси,
ДагъистIанна мугIяллим.
ХIела хъалибарг кьяйда,
Ши, шанти гIеббуцади.
Нушала дурхIни-рурсби,
ВиругIеб ахъбуцади.
ХIу вашуси гьунчирад,
Лебил класс башахъади.
МялхIямли гъайикIули,
Багьуди кайсахъади.
Лерил гIямрула гьуни,
Жузличир дарх деркIади.
Гьар шайчи дурхIни-рурсбас,
Унзурби гьаргдаради.
Назму лукIули хьалли,
Дисули сари хIулби.
Забла амъурти шинван,
ЧяхIдикIули сар нургъби.
Баркалла бикIули саб,
Зильбачила ши, шанти.
ХIечули барх бузути,
Дархли гIямру деркIибти.
Рабазан Маллаевич,
Арякьун гIямрулизир.
Игитлагъуна хIурмат,
Кавлан халкьла уркIбазиб.
Добавить комментарий
Добавлять комментарии могут только зарегистрированные и авторизованные пользователи.