ГIяхIгъабза трисанчилан ХIяжи Ибрагьимовлис

ХIурмат-хатир черяхIли,

ХIебван дусми дуркIуси,

ХIялалдеш, адаб-хIяя,

ХIуни ахъли дихIуси.

ХIейрус, хIебалас ибти

ХIедагьурси дацIти гъай,

ХIечи хъарси хIянчила

ХIядурси бурцес декI-дай.

ХIякимтас гIяхIвизахъес,

ХIедицибси адамдеш,

ХIурхъен хIяниубхьалли,

ХIедагьурси азгъиндеш.

ХIеблизир вава-кьарван,

ХIекьли ватухъун гъабза,

ХIябилра балги саби,

ХIезиб хIяяла убза.

ХIярам урхIла масличи

ХIясадли хIерхIейзурси,

ХIярализиб хIярхIяван

ХIял-тIабигIят паргъатси.

ХIурриван кьацIбашанти,

ХIерли бушинбируси,

ХIереличиб берхIиван

ХIялалтас ванайкIуси.

ХIериаби даршал дус

ХIерили хIяя хIярам,

ХIурхъиван хIу, калаби

ХIеберки цалра дарман.

ХIечицун хIеррикIахъес

Калаб хIела Маригет,

Гьар савли алзухIели

Бурцуси гIяхIси нигет.

Адамдешла лишанта

Жагаварибси ХIяжи,

УркIи-уркIилабадли

Муйра бикIаб хIези жи