КАЛА-КОРЕЙШ МЕДИА
Меню
12+

«КАЛА-КОРЕЙШ МЕДИА"

25.02.2021 13:07 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ГIЯХIГЪАБЗАЛА У ХЪУМХIЕРТЕХIЕ

Берхъаби, Буркьун – Дарга,

ва даргала гIяхIгъубзни.

Някъ ванал хункI чIумаси

гIяхIти гъубзнар, гIяхI рурсбар,

Ниъла хIеркI, нерхла кьулла

деза хIед Буркьун – Дарга!

Нушала районнизиб бахъал леб чули яхI-хIяяра, адамдешра хIурмат-ламусра умули хIердарили, хIурматла ахъанайтачи баибти гIяхIгъубзни.

Иш макьала белкIес кьалам касира нуни хIябъибил дус нушачил варх агарси дила узикьар ШяхIбанов ГIямар МагьдиисмягIиловичличила.

АкIубсири ил I957-ибил дусла мартла 26-личив Кьункьила шилизив.

I963-ибил дусличивад I972-ибил дусличи бикайчи шилизиб гехIел дусла школа таманбариб. ГIяштила школализиб урга даражала багьуди касиб.

Школализив учIухIели математикала олимпиадабачира вашусири.

I974-ибил дуслизиб школа таманбариб. Ил дус ГIямар Дагъиста университетла математический факультетла студент ветаур. ГIяхIил учIи. студентхIелира вузани-ургарти жура-журала конкурсуназир бутIакьяндеш дири.

Университетра ункъли учIули таманбариб, бузерила гьуни бехIбихьиб Урцакила школализиб. ГIур 4 дус дикили гIергъи, Уркухъла урга даражала I-ибил номерла школализи шурухъун.

Школализив узухIели лерилра сунела дагьри ва цIакьани дурхIназир дурусти гIилмуртачи хаслира математикаличи диги дяхIчииутири. ГIямарла къайгъни бучIантала баркаллаличил, дигиличил ва хIурматличил чарра духъун.

Узи-уршилис, тухут-шаннис гьар мурталра халаси хIурмат барес гIелумхIелзи.Мекъ-сяхIбатличи, вебкIибсилис алхIям белчIес ваши. 20II-ибил дуслизиб 28-ибил июльличиб сунела узикьар Гьарун ва ИсмягIил вайнукьябани кабушибтири. Илис бегIлара халаси децIли бетаур ил анцIбукь.

Районнизи вакIили къуллукъ-архIя барес, нуни бурусири, ну гьалаклира, дила архIя барая, дила автомашина аркьули сабину.

«ХIу се шилизивад сайри?» бикIутири набзи. «Кьункьи» или бакьибмад хIянчизарти бикIутири: «ХIушала шан ГIямар МагьдиисмягIилович гIяхIси мугIяллим сайри. Нушаб математикала дурсри кадихьибтири».

МугIяллимла ахъти устадеш ва пагьмурти дурадуркIан ГIямар МагьдиисмягIиловичлис районна багьудила управлениела бекI специалистли узуси манзиллизирра гIяхIил багаладиубтири.

I99I-ибил дуслизиб илис «Учитель – методистла», 2005-ибил дуслизиб биалли «РФ-ла цахIнабси багьудила хIурматла хIянчизарла» уми дедибтири илис.

Хъалибаргла бекI, гIяхIси адам ва уртахъ сайлинра бахъли вали. ГIямрула рархкья Зугьрат Арслановналичил духути ва адабчерти дурхIни абикьур. Биалли муйрала (уркухъила) мезличил, биалли нушала кьункьила мезличил гъайра бикIули саби. духули чула гьала хIербикIули бузули саби. Лебилра нушала шантала, лебилра сирхIяла халкьла «гIела къакъ» -- кумекбарес къайгъилизив вири.

Гьанбиркур наб олимпиадаличи букьес гIягIнилири. Ученикуни хIядурбиуб. Олиспиадаличи букьес хIебиуб, сенахIенну шаладикайчи дяхIили ургьули автомашинти дашули ахIенри.

ГIямарли набчи зянкъ дяхъиб, ва сен хIуни хIерхьири хIела урши олимпиадаличи или хьарбаиб.

Нуни бурира автомашинти дашули ахIенри или.

«КIел-хIябал бархIи гьалав вархьес гIягIнилири» — или буриб.

ЕГЭ-ла экзаменти дедили 20I6-ибил дуслизир совещаниеличиб бурили саби районнизир Кьункьила школали гIяхIти баллани «профильный математикала» касили сари или. Ил замана ГIямар МагьдиисмягIиловичли набчи зянкъдяхъиб. «Я тебя поздравляю, твой сын набрал хорошие баллы по району по профильной математике, я горжусь что он есть». Шиличила, шантачила, тухумтачила пикриикIули вири ил мурталра.

ГIямар МагьдиисмягIиловичла шаласи сипат ва хIялалти пикруми нушала уркIбазир даимлис кавлан.

ГIябдулхаликьов ГIябдулхаликь

Кьункьила урга даражала

школала учитель.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11