Дахадаевла район

Шандаван ч1умати адабличилти

Дубурла ях1лицун урк1би диц1ибти,

даруван дяг1ути хъуц1румачилти

Багьадурти саби ил х1у буцибти,

Хъуммартид ил х1уни ца гьигьлисалра,

Байрахъ ахъли буца, гьалабях1 башен.

Район саб пасих1ти муг1яллимтала,

Кьалам бугати писательтала,

Машгьурти мушлукья, игитунала,

Х1ед ну мурталра далайрик1улра,

Гъайлис марли буэн, район х1у дила

Илцадра жагаси куц кабиз х1ела

Чилилра вирх1ейрар ил ц1ахбаресра

Чи х1яжар вак1или бурцис вик1алра,

Х1ебурцу, сеналра, вари х1ебурцу

Х1яжарти гьарахъли балтен, гъаммайрид

У дурхъали бих1ен дигуси район.

Бузерира баркатра к1ел узи к1илизанти,

Илди биабну х1ела, гьар хъулиб жамиг1ятла

Адамтачи г1ях1лашал даим х1у х1ербик1ули

Берхъаби дила район, район Дахадаевла