Дагъистан дила макка
Дубуртазиб Кавказла
Дай уркIиван балгунси,
Даршна гъуцIбухъунхьалли
Душманта хIебуцибси.
Дубуртас мургье усанг,
Диркьалис арцла хъарахъ,
Дунъялис дахъ машгьурси
Даршудешла ахъ байрахъ.
Дахъал мез лерли хьалли,
Дахъал гъай-гъургъ агарси,
Душмантала чябхъинта
Дянг цайналра хIеибси.
Дуршутачил, гIяхIтачил,
Дургъби кIантIити кIазван,
Душмантачил, вайтачил
Дебш чIумати хIяргаван.
ДуцI хъярхъти варачанти
Дубуртикад арцурси,
Дезна биркьуси Каспи
Дубличи кIапIбиркуси.
Дунъяла хазна гьанни
Дазурби хIедуунси,
Дусми дуцIли аркьуцад
Даршули хIербируси.
Дунъяла улкни ургаб
Дила чебяхIси ВатIан,
Дерхъаб хIезир уржибдеш,
Дила чебяхI Дагъистан!
ДалайбикIен хIу ВатIан
Дунъялисра бакьесли,
Дарданира анцIкьира
Даруван даргдердесли.
ДукIлаурти лагьниван
Даршути гIяржакь ВатIан,
Дикластма дубураван
Дазурбас мар Дагъистан.
Добавить комментарий
Добавлять комментарии могут только зарегистрированные и авторизованные пользователи.