ХIури дила уркIилаб

Зубартауб хьанцI закла

Шалдаван пархбикIуси,

Азирти дарш-дусмазиб

Шандан кьяйда калунси.

Дебш чIумал Сталинни

Автономия гибси,

ГIякьлу халал Ленинни

Дунъялис багьахъурси.

Ламуслис, адаб-яхIлис

Кавказлизиб бурибси,

Гъабзадеш, адамдешлис

Путинни гапбарибси.

Къиянтазиб яхI чебси

Хьуланазиб кьас чебси,

Дубуртала яхI-ламус

ЧIумали хIердируси.

Кавказла мер-мусалаб

Хъяганати чIумаси,

Чуйнара душмантази

Гьуя-чIяр ихъахъибси.

Сари хIела кьиблама

Дубуртала сабур-яхI,

Паргъатли уркIи-гьаргли,

ГанзбикIуси гьалабяхI.

БитIакIили мегь бердес

Багьадурти айкьурси,

БерхIиливан гьариллис

Бархьдеш барес хIядурси.

Бац-БерхIиван ухаби,

ГIурра азир дусмазиб,

Даим даршули калаб

Лебилра миллат хIезиб!