Сагал дусла мубарак

ХIурматла дахадаевланти, даргала жамигIят, хIуша Сагал Дусличил уркIи-уркIиларад мубаракдирулрая!

Нушачи абицIуси 2021 –ибил дус хъумхIертусили бетааб гьариллис. Ил дусли имцIадараб гьардизести хьулани, ахъбикIаб гьарил сягIят чархла гьав, хьурадираб пергерти хIялани, разили гьунидиаба хIушаб дигутачил.

ГIуррара хIушаб, хIушала хъалибаргунас кьисматли дурхIнала талихI, бегIтас пасихIдеш диубли дигулра, биштIатала ахъти дукелцIили лебталалра хъулри зайдикIаб ва лусентасра пай бираб.

Шими, махьурби мукърала, сяхIбатунала, гьарбизлумала шаддешлумани дицIаб. Даршуси Закла зубартала лямцIли дугурбазир дяхI шаладираб, хIерели берхIила нуранала ванадешли ванадираба, гIяшулван чIумаси арадешличил, гьарзати гIямру дигуливан дуркIули хIердиаба дила ахIерси миллатла дарганти, узби-рузби дагъистанланти.

Сагаси дуслизир хIушала хъулразир бизити берклуми, ухуси ванаси лами, алкунси шала, дурхIнала дукелцIи, далуйти, делхъани, гIяхIти хабурти каммадиаб! Арали, разили, даршули, яшавлизир къулайли калабая!

Муртазаг1яли Хулаттаев, Дагъиста халкьла Собраниела депутат