ХIурматла дубурланти!

ХIурматла дубурланти!

Сагал дусличил мубаракдирулрая хIуша! Сагаси дус – ил байрам саби, суненира арбякьунси, ишбархIила ва челябкьлала замана цалабирхъуси.

Ил башуси саби гьарил хъули хасси ванадешличил ва умутуначил.

Нушала кьисматличи дяхIягибти пандемияличил дархдасунти къияндешуначи хIерхIеили, наб дигулра хIушаб чIумаси арадеш биубли, хIуша мурталра хIушала гъамталара тухумталара ванати ва дигила хIяланачил, барх бузуталара юлдашуналара хIурматличил алавдуцили.

2021 ибил дус хIушаб адамдешла малхIямти хIяланани алавдуцили, гIяхIти анцIбукьуни кадиркули, сагати дарсдешуни дирули, гьарибизурсили биаб.

Гьарил юртлизи илини балгундеш ва баракат дихаб, гьарбизунала ва сархибдешунала шайчиб давлачебсили биаб.

БекIахъудилизиб гьарзадеш биаб хIушаб ва гьардилзаб мурталра хIушала кьасани!

ХIяжи Машаннаев «Дахадаевла район» МО-ла депутатунала Собраниела председатель